Мирзо Улуғбек туманидаги 8-оилавий поликлиника врачлари мажбуран кўча тозалашга чиқарилмаган

 

Кейинги пайтларда айрим хорижий нашрларда  кенг жамоатчиликнинг эътиборини ўзига қаратмоқчи бўлган айрим интернет сайтлари пойтахтимизда хамшира хамда врачларни мажбуран тозалик ишларига жалб килинаетганлиги тўғрисида мақолалар чоп этишяпти.

Жумладан 8 – оилавий поликлиника врачлари ҳақидаги мақолага раддия:

Ҳар бир инсон ўзи туғилиб ўсган ва истиқомат қилаётган масканнинг тоза – озода бўлишини хоҳлайди. Қолаверса ҳар бир касб эгасига ҳам ўз ишлаётган корхонаси ёки ташкилоти  атрофи, қўйинки ўз хонасининг тоза – покиза холда сақланишида ўз хиссасини қўшади, хусусан шифокорларимиз ҳам.

Мирзо Улуғбек туман 8-сон оилавий поликлиникаси ходимлари ҳам туман аҳолиси сингари умумхалқ хашарларида, ободонлаштириш ва кўкаламзорлаштириш ишларида фаол қатнашиб, доимо ўз хиссаларини қўшиб келадилар. Ходимлар поликлиника худудларини тозалаш ишларини фақат шанба кунлари, яъни “озодалик куни”да ишдан таршқари вақтда бажарадилар.

   

Бу борада Мирзо Улуғбек туманидаги 8-сонли оилавий поликлиниканинг иккинчи умумий амалиёт бўлими мудири Саидова Гулчеҳра Турсуновна биз билан суҳбатда шундай дейди: “Бизнинг оилавий поликлиника ходимлари туманимизнинг барча аҳолиси сингари умумхалқ ҳашарларида, ободонлаштириш ва кўкаламзорлаштириш ишларида мунтазам қатнашиб келадилар. Ходимларимиз оилавий поликлиника ҳудудини тозалаш ишларида  фақат кичик ва ўрта тиббий ходимлар,  хўжалик ишларини юритувчи ходимлар жалб қилинади ва улар ўз махсус кийимларида тозалаш ишларига қатнашишлари мумкин. Шифокорлар ободонлаштириш ва тозалаш ишларига жалб қилинмайдилар. Қолаверса ҳеч қандай мажбурлашлар йўқ.

Мирзо Улуғбек тумани тиббиёт ходимлари ўз туманинг фидоийларидир улар тозалик соғлик билан чамбарчас боғлиқлигини яхши тушунаилар. Шунинг учун ҳам ҳафтанинг ҳар шанба куни “Озодалик куни”да ихтиёрий фаол қатнашадилар.

Тошкент шаҳар ҳокимлиги

Ахборот хизмати



Печать 13 April 2018 Ўқилди: 1605